चितवनका थप एक जनामा काेराेना संक्रमण पुष्टि

चितनव । चितवनमा शुक्रबार थप एक जनामा कोरोना भाइरस (कोभिड–१९) संक्रमण पुष्टि भएको छ ।

भरतपुर अस्पताल कोभिड–१९ प्रयोगशालामा गरिएको परीक्षणमा भरतपुर महानगरपालिका–११ का ४६ वर्षीय पुरुषमा कोरोना भाइरस संक्रमण पुष्टि भएको प्रयोगशालाकी प्रमुख डा. नितु अधिकारीले जानकारी दिइन् ।

ती संक्रमित क्वारेन्टिनमा रहेको उनले जानकारी दिइन् । चितवनमा आज कुल १५७ नमुना परीक्षण गरिएको थियो ।