अक्सफोर्ड युनिभर्सिटीद्वारा कोरोना भाइरसविरुद्धको खोपको घोषणा

काठमाडौं । कोरोना भाइरसविरुद्ध अक्सफोर्ड युनिभर्सिटीले बिकास गरेको खोप सुरक्षित रहेको तथा इम्युन रेस्पोन्समा काम गरेको आज साँझ बिबिसीले जनाएको छ ।

११ हजार ०७७ जना व्यक्तिमा गरिएको दोस्रो चरणको परीक्षणमा खोपले शरीरमा कोरोना भाइरसबिरुद्धको एन्टीबोडी तथा टि सेल्स बनाउन सफल भएको जनाइएको छ ।बेलायतले एक अरब डोज निर्माण गर्न अक्सफोर्ड युनिभर्सिटी तथा खोप निर्माता कम्पनीसँग अर्डर गरिसकेको छ ।

यो खोप मान्छेलाई असर नगर्ने तर चिम्पान्जीलाई संक्रमण गराउने भाइरससँग आनुबंशिक मिश्रणद्वारा तयार गरिएको अक्सफोर्ड युनिभर्सिटीले खोप निर्माणको पहिलो चरणमा बताएको थियो । यो खोपलाई कोरोना भाइरसको स्पाइक प्रोटिनलाई निष्क्रिय बनाउने विश्वास गरिएको छ ।

दोस्रो फेजको ट्रायलमा सहभागीमध्ये ९० प्रतिशत लाई पहिलो डोजले नै एन्टिबोडी बिकास गरेको छ भने १० प्रतिशत लाई दुई डोज दिनुपरेको जनाइएको छ । सहभागीमध्ये ७० प्रतिशत लाई ज्वरो आउने तथा टाउको दुख्ने लक्षण देखिएपनि कुनै गम्भीर पार्श्वप्रभाब नभएको अनुसन्धानकर्ताले उल्लेख गरेका छन् ।

तेस्रो तथा अन्तिम चरणको ट्रयालमा बेलायतमा १० हजार व्यक्तिलाई, अमेरिकामा ३० हजार व्यक्तिलाई, दक्षिण अफ्रिकामा २ हजार व्यक्तिलाई र ब्राजिलमा ५ हजार व्यक्तिलाई समाबेश गरिने विश्वविद्यालयले बताएको छ ।

यो बर्षको अन्त्यसम्म स्वास्थ्यकर्मी तथा जोखिम बर्गमा रहेका व्यक्तिलाई खोप दिने तथा अर्को बर्षको मध्यसम्म ठूलो मात्रामा वितरण भएर विश्वका अधिकांश देशमा पुर्याउने उत्पादकको दावी छ ।

प्रतिक्रिया

Leave a Reply

Your email address will not be published. Required fields are marked *