राप्ती-११ का वडाध्यक्ष तामाङको निधन

चितवन । चितवन राप्ती नगरपालिका- ११ का वडाध्यक्ष हितबहादुर तामाङको निधन भएको छ । मकवानपुरको भिमफेदीमा उपचारको क्रममा बुधबार दिउँसो उनको निधन भएको राप्ती नगरपालिका प्रमुख प्रभा बरालले जानकारी दिइन् ।

उनी लामो समयदेखी कलेजो तथा जन्डिस रोगको उपचार गराइरहेका थिए । लामो समय चितवन मेडिकल कलेजमा उपचार गराएका उनलाई केहि दिनअघि आयुर्वेदिक उपचारका लागि मकवानपुरको भिमफेदी लगिएको थियो ।

बुधबार नै राप्ती नगरपालिकाको सातौ नगर सभामा उनको स्वास्थ्यलाभको कामना समेत गरिएको थियो । उनी २०७४ सालको स्थानीय तहको निर्वाचनमा नेकपा एमालेका तर्फबाट निर्वाचित भएका थिए ।