युभेन्टसको जितमा रोनाल्डो र डिबालाको गोल

काठमाडौं । क्रिस्टियानो रोनाल्डो र पाउलो डिबालाले गोल गरेको खेलमा युभेन्ट्सले सिरि ए फुटबलमा सहज जित निकालेको छ ।

गएराती सम्पन्न खेलमा युभेन्टसले बोलोगनामाथि २-० गोल अन्तरको सहज जित हासिल गरेको हो । खेलको २३औ मिनेटमा रोनाल्डोले पेनाल्टीबाट गोल गर्दै युभेन्टसलाई शुरुवाती अग्रता दिलाएका थिए भने डिबालाले खेलको ३६औ मिनेटमा गोल गर्दै युभेन्टसको अग्रता दोब्बर पारेका थिए ।कोरोना महामारी पछि भएको कोपा इटालियाको फाइनलमा नापोलीसँग पराजित भएको युभेन्टसले सिरी ए मा भने विजयी शुरुवात गरेको छ । यो जितपछि युभेन्टसको २७ खेलमा ६६ अंक भएको छ भने एक खेल कम खेलेको लाजियोसँग ४ अंकको अग्रता बनाएको छ । त्यस्तै बोलोगनाको भने २७ खेलमा ३४ अंक छ र लिगको १०औ स्थानमा रहेको छ ।