बिपी प्रतिष्ठानबाट आज थप १३ जना डिस्चार्ज
मकालु खबर
२०७७ असार ८ गते
काठमाडौँ । बिपी कोइराला स्वास्थ्य विज्ञान प्रतिष्ठान धरानमा उपचार गराइरहेका कोरोना सङ्क्रमितमध्ये आज थप १३ जना डिस्चार्ज भएका छन् । मोरङका १२ जना पुरुष र झापाका एक पुरुष गरी १३ जना निको भएर आज घर फर्किएका प्रतिष्ठानका प्रवक्ता निदेश सापकोटाले जानकारी दिएका छन् ।
आज डिस्चार्ज भएकामा मोरङका ८ जना पुरुष गत जेठ २८ गते कोरोना सङ्क्रमण पुष्टि भएपछि अस्पताल भर्ना भएका थिए । यस्तै मोरङकै ४ जना पुरुष र झापाका एक जना गत जेठ ३१ गते प्रतिष्ठानको आइसोलेसनमा भर्ना भएका थिए ।
हालसम्म प्रतिष्ठानमा उपचार गराइरहेका १२८ जना कोरोना सङ्क्रमित निको भएर घर फर्किसकेका छन् ।
आज १३ जनाको डिस्चार्ज पछि अव प्रतिष्ठानको आइसोलेसनमा ६३ जना कोरोना सङ्क्रमितको उपचारभइरहेको छ । उनीहरूको पनि स्वास्थ्य अवस्था सामान्य रहेको प्रवक्ता सापकोटाले बताए ।
मकालु खबर
२०७७ असार ८ गते
प्रतिक्रिया
सम्बन्धित