लकडाउन खुलेको तीन दिनपछि मात्र अदालत खुल्ने, बयान र थुनछेक भने जारी राखिने
मकालु खबर
२०७६ चैत २८ गते
चैत्र २८, काठमाडौं । देशभरका अदालतहरु लकडाउन हटेको तीन दिनपछि मात्रै खुल्ने भएका छन् ।
सर्वोच्च अदालतले शुक्रबार एक विज्ञप्ति जारी गर्दै लकडाउनको अवस्था समाप्त भएको तीन दिनपछि देशभरका अदालत खुल्ने जानकारी दिएको हो । यो निर्णयसँगै अब वैशाख ६ गतेदेखि मात्रै अदालत खुल्ने छ ।
सरकारले यसअघि चैत २५ गतेसम्म लकडाउन गरेको आधारमा सर्वोच्चले चैत २८ गतेसम्म अदालत बन्द गरेको थियो । शुक्रबारबाट सो अवधि सकिएपछि बैशाख ३ सम्म बन्द गर्ने निर्णय सर्वोच्चले गरेको छ । अदालतले अभियोग पत्र दर्ता, बयान, थुनछेक आदेश र म्याद थप लगायतका कामलाई भने निरन्तरता दिने जनाएको छ ।
यदि सरकारले लकडाउनको अवधि बढाएको खण्डमा त्यसै अनुरुप अदालत पनि बन्द रहने र लकडाउन खुलेको ३ दिनपछि मात्रै अदालतको नियमित काम कारवाही सुरु हुने विज्ञप्तिमा उल्लेख छ ।
हेर्नुहोस्, विज्ञप्ति
मकालु खबर
२०७६ चैत २८ गते
प्रतिक्रिया
सम्बन्धित