एशिया इस्टर्न रीजन टी २० : हङकङ नेपालसामु १ सय ५५ रनको लक्ष्य प्रस्तुत
मकालु खबर
फागुन १८, काठमाडौं । एशिया इस्टर्न रीजन टी २० क्रिकेट प्रतियोगिताको दोस्रो खेलमा हङ्कङले नेपाललाई १ सय ५५ रनको लक्ष्य दिएको छ ।
थाईल्यान्डको टेर्डथाइ किक्रेट मैदान जारी खेलमा हङ्कङले २० ओभर खेल्दै ६ विकेट बनाएर १ सय ५४ बनाएको छ ।
नेपालका लागि स्पीनर सन्दीप लामिछाने र सुशन भारीले दुई दुई र कुशल मल्लले एक विकेट लिए ।
हङ्कङका एक ब्याट्सम्यान रन आउट भएका थिए।
यसअघि शनिवार भएको पहिलो खेलमा नेपाल मलेशियासँग २२ रनले पराजित भएको थियो।
प्रतियोगितामा थाइल्यान्ड, मलेसिया, सिङ्गापुर र हङ्कङ समावेश छन्।
सबै सहभागी राष्ट्रले एकअर्का विरुद्ध खेलेपछि शीर्ष दुई स्थानमा रहने टोलीले अगस्टमा कुवेत र यूएईसँग खेल्नेछ।
मलेशियामा हुने सो प्रतियोगिताबाट सेप्टेम्बरमा पाकिस्तानमा हुने टी२० एशिया कप खेल्ने देश छनौट हुनेछ। एशिया कपमा भारत, श्रीलङ्का, बाङ्ग्लादेश र अफगानिस्तान पनि सहभागी हुनेछन्।
मकालु खबर
