भरतपुरमा कोरोना अस्पताल निर्माण तिब्र

चैत ६, चितवन  । चितवन प्रदर्शनी केन्द्रलाई कोरोना भरतपुर कोरोना विशेष (अस्थायी) अस्पतालमा रुपान्तरणको काम द्रुत गतिमा अघि बढाइएको छ ।   

कोरोना भाइरसका कारण निम्तन सक्ने सम्भावित जोखिमलाई मध्यनजर गर्दै भरतपुरमा अस्थायी अस्पताल सञ्चालन गर्न लागिएको हो । 

भरतपुर महानगरपालिकाको समन्वयमा जिल्लाका सरोकारवाला निकायहरुले अहिले काम गरिरहेका छन् । कूल ७० शैया रहने भनिएको यस अस्पतालमा ५० शैयाको जनरल वार्ड र ओपीडी भोली बिहान सम्म तयार हुने संभावना छ । 

मंगलबार विहान ७२ घण्टा भित्रमा कोरोना विशेष (अस्थायी) अस्पताल निर्माण गरिसक्ने घोषणा गरिएपनि आइसीयू र हाइ डिपेन्डेन्ट युनिट (एचडीयू) तयार गर्न केही समय लाग्ने छ ।