लिभरपुलको सिजनको पहिलो हार, वाटफोर्ड ३-० ले विजयी
मकालु खबर
२०७६ फागुन १८ गते
फागुन १८, काठमाडौं । इङलिश प्रिमियर लिग फुटबलमा लिभरपुलले सिजनको पहिलो हार ब्यहोरेको छ । गएराति भएको खेलमा रेलिगेशन जोनबाट बच्न संघर्षरत वाटफोर्डले लिभरपुललाई ३-० ले हराएको हो ।
वाटफोर्डको जितमा इस्माइला सारले दुई गोल गरेका थिए भने ट्रोय डीनेले एक गोल गरेका थिए । वाटफोर्डले तिनै गोल दोस्रो हाफमा गरेको थियो ।
यो हारसँगै लिभरपुलको लगातार १८ खेलमा जितको ब्रेक लागेको छ भने ४४ खेलसम्म अपाराजित रहेकोमा पनि ब्रेक लागेको छ । साथै लिभरपुलले २०१९ को मार्च पछी पहिलो पटक कुनै खेलमा गोल गर्न असफल भएको छ ।
जितसंगै वाटफोर्ड रेलिगेशन जोन भन्दा एक स्थान माथि उक्लिएको छ । उसले २७ अंक जोडेको छ । शीर्ष स्थानको लिभरपुलको ७९ अंक छ ।
मकालु खबर
२०७६ फागुन १८ गते
प्रतिक्रिया
सम्बन्धित