आहा ! रारा गोल्डकपको उपाधि मनाङलाई
मकालु खबर २०७६ चैत १ गते
पोखरा । १८ औं संकरणको आहा ! रारा गोल्डकप फुटबलको उपाधि मनाङ मर्स्याङ्दी क्लबले जितेको छ ।
शनिबार पोखरा रंगशालामा भएको फाइनल खेलमा नेपाल पुलिस क्लबलाई टाइब्रेकरमा ४-३ गोल अन्तरले पराजित गर्दै मनाङले उपाधि जितेको हो ।
योसँगै मनाङले छैटौं पटक आहा ! रारा गोल्डकपको उपाधि जितेको छ ।
उपाधिसँगै मनाङले १० लाख १ हजार रुपैयाँ प्राप्त गरेको छ । उपविजेता बनेको पुलिसले ५ लाख १ हजार रुपैयाँ प्राप्त गरेको छ ।
सहारा क्लब पोखराको आयोजनामा भएको प्रतियोगितामा १० टोलीको सहभागिता रहेको थियो ।
मकालु खबर २०७६ चैत १ गते
प्रतिक्रिया
सम्बन्धित
