मकवानपुरमा ६ किलोबढि सुनसहित एक पक्राउ

फागुन २०, काठमाडौँ । मकवानपुरमा काठमाडौंबाट वीरगञ्ज जाँदै गरेको रात्री बसमा ६ किलो  भन्दा बढी सुनसहित एक भारतीय नागरिक पक्राउ परेका छन् । 

प्रहरीले चेकजाँच  गर्ने क्रममा हेटौंडा-१५ रातोमाटेमा अवैध ६ किलो भन्दा बढि सुनसहित भारत कर्नाटका ४२ बर्षीय अब्दुल मजिद अनेकललाई पक्राउ गरेको हो ।   

बरामद गरिएको सुनको मूल्य  नेपाली बजारमा ४ करोड २७ लाख ५८ हजार रुपैयाँ बराबर रहेको  मकवानपरका प्रहरी उपरिक्षक सुशील सिं राठौरले बताए । उनका अनुसार सुन ठूला उपकरणमा प्रयोग हुने फलामको बेरिङभित्र राखेर ल्याईएको अवस्थामा बरामद गरिएकाे थियो ।   

पक्राउ परेका अब्दुललाई आवश्यक कारवाहीका लागि सुनसहित बाराको पथलैयास्थित राजश्व अनुसन्धान कार्यालय पठाइएको प्रहरीले जनाएको छ ।