काठमाडौँमा २० हजार घुस लिने सुपरभाइजर परे अख्तियारको फन्दामा

फाेटाेः गुगल 

चैत्र ३, काठमाडौँ ।  काठमाडौँमा सेवाग्राहीसँग २० हजार घुस लिने एक सुपरभाइजरलाई अख्तियार दुरुपयोग अनुसन्धान आयोगले पक्राउ गरेको छ ।   

नयाँ क्षमता वृद्धिको मिटर जडानका लागि सेवाग्राहीसँग २० हजार घुस लिने काठमाडौंको रत्नपार्कस्थित नेपाल विद्युत प्राधिकरण वितरण केन्द्रका इलेक्ट्रीकल सुपरभाइजर कैलाशप्रसाद दाहाललाई अख्तियारले पक्राउ गरेको हो ।   

टङ्गालबाट खटिएको आयोगको टोलीले घुस लिई रहेको अवस्थामा दाहाललाई रंगेहात पक्राउ गरेको  प्रवक्ता प्रदीपकुमार कोइरालाले बताए ।  प्रवक्ता कोइरालाका अनुसार पक्राउ परेका दाहालमाथि कारवाहीको लागि थप  अनुसन्धान भइरहेको छ ।