एशिया इस्टर्न रीजन टी २० : नेपाल हङ्कङसँग पराजित
![](https://www.makalukhabar.com/wp-content/uploads/2023/10/Final-icon-Logo-2023.png)
२०७६ फागुन १८ गते
![](https://www.makalukhabar.com/wp-content/uploads/2021/01/nophoto.png)
फागुन १८, काठमाडौं । १ सय ५५ रनको लक्ष्य भेट्टाउन नसक्दा नेपालले दोश्रो खेलमा पनि हार व्यहोरेको छ । थाइल्याण्डमा जारी एशिया इस्टर्न रीजन टी २० क्रिकेट प्रतियोगिताको आईतबार भएको दाेश्रो खेलमा नेपाल हङ्कङसँग ४३ रनले पराजित भएको हो ।
हङ्कङले दिएको १५५ रनको लक्ष्य पछ्याएको नेपाल १८.१ ओभरमा १११ रनमै अलआउट भयो ।
नेपालका लागि ज्ञानेन्द्र मल्लले सर्वाधिक ४६ रन बनाए । यसअतिरिक्त कुशल मल्लले १९, अविनाश बोहराले १२ र आरिफ शेखले १० रनको योगदान गरे ।
यसअघि पहिला ब्याटिङ गर्दै हङकङले निर्धारित २० ओभरमा ६ विकेटको क्षतिमा एक सय ५४ रन बनाएको थियो ।
नेपालका लागि सन्दीप लामिछाने र सुशन भारीले दुई–दुई विकेट लिए भने कुशल मल्लले एक विकेट हात पारे ।
जारी प्रतियोगिताको पहिलो खेलमा मलेसियासँग नेपाल २२ रनले पराजित भएको थियो ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०७६ फागुन १८ गते
प्रतिक्रिया
सम्बन्धित