पूजा र पलको ‘म यस्तो गीत गाउँछु २’ ले पायो पीजी प्रमाणपत्र

फाेटाे स्राेत: गुगल 

फागनु २१, काठमाडौँ । सुर्दशन थापाद्वारा निर्देशित चलचित्र ‘म यस्तो गीत गाउँछु २’ ले पीजी प्रमाणपत्र पाएको छ ।   

अब  ‘म यस्तो गीत गाउँछु २’ १६ वर्ष भन्दा कम उमेरका व्यक्तिले आफ्ना  अभिभावकको साथमा हेर्नु पर्नेछ ।   

सांगीतिक प्रेम कथामामा आधारित यस चलचित्रमा पल शाह, पूजा शर्मा, हरिहर शर्मा, दिनेश डिसी, राजा राजेन्द्र पोखरेल, सोनिका रोकाय लगायत कलाकारको भूमिका रहेको छ ।   

सौरभ लामाले छायांकन गरेको चलचित्रलाई बनिष शाह र मिलन श्रेष्ठले सम्पादन गरेका छन् ।  नायिका पूजा र निर्देशक सुदर्शनको चलचित्रमा लगानी रहेको छ । चलचित्रकाे कथा  निर्देशक सुदर्शनले नै लेखेका हुन् । 

चलचित्रमा सुरज आचार्य र सुदिप ढकाल निर्माण नियन्त्रकको रुपमा छन् ।  रीच इन्टरटेन्मेन्ट र जीजीए ग्रुपले काठमाडाैँ र एफडी कम्पनीले काठमाडाैँ बाहिर चलचित्रको वितरण गर्नेछ । चलचित्रको प्रदर्शन मिति भने फागुन ३० गते  तय भएको छ ।