राष्ट्रपतिद्वारा ६ वटा विधेयक प्रमाणीकरण

माघ २८, काठमाडौँ । मंगलबार राष्ट्रपति विद्यादेवी भण्डारीले विभिन्न ६ वटा विधेयक प्रमाणीकरण गरेकी छिन् ।   

राष्ट्रपति भण्डारीले  संविधानको धारा ११३ को उपधारा २ बमोजिम विधेयक प्रमाणीकरण गरेकी हुन् । 

प्रमाणीकरण भएका विधेयकहरुमा भूमि सम्बन्धी (आठौँ संशोधन) विधेयक, प्रहरी समायोजन विधेयक, नेपाल प्रहरी र प्रदेश प्रहरी (कार्य सञ्चालन, सुपरीवेक्षण र समन्वय) विधेयक छन् । 

यस्तै, राष्ट्रिय परिचयपत्र तथा पञ्जीकरण विधेयक, औद्योगिक व्यवसाय विधेयक र राजश्व चुहावट (अनुसन्धान तथा नियन्त्रण) (पहिलो संशोधन) विधेयक पनि राष्ट्रपतिबाट प्रमाणीकरण भएका छन् ।