आइसीसी क्रिकेट लिग टू : नेपाल ओमानसँग १८ रनले पराजित

माघ २२, काठमाडौँ । आइसीसी क्रिकेट वर्ल्ड कप लिग टु अन्तरगत एक दिवसीय खेलमा  नेपाल पराजित भएको छ ।  

त्रिवि क्रिकेट मैदानमा बुधबार भएको खेलमा नेपाल ओमानसँग १८ रनले पराजित भएको हो ।   

ओमानले दिएको १ सय ९८ रनको लक्ष्य पछ्याउने क्रममा नेपालल ४६.५ ओभर खेलेर सबै विकेट गुमाउँदै मात्र १ सय ७९  रन जोड्नसक्यो। 

यसअघि ओमानले पूरा ओभर खेल्दा ९ विकेट गुमाएर १ सय ९७ रन जोडेको थियो।