दुर्गा र रामुको ‘फेवा तालको शिर’ सार्वजनिक

माघ २२, काठमाडाैँ । गायक दुर्गा सेन्चुरी र गायिका गीता गौदेल मगरको आवाजमा ”फेवा तालको शिर ” बोल रहेको गीतको म्युजिक भिडियो सार्वजनिक भएको छ ।

नेपाली मौलिक कला र सँस्कृति झल्काउने गीत संगीतलाई आम नेपाली लोक पारखी दर्शक तथा स्रोत माझमा पुयाउने क्रममा गल्कोट म्युजिक प्रालीको प्रस्तुतीमा उक्त गीतको म्युजिक भिडियो तयार पारिएको हो ।

सार्वजनिक गीतकाे भिडियाेमा प्रेमी प्रेमीका छुट्नु पर्दाकाे पिडालाई गीतमा व्यक्त गरिएको छ । पोखराको बिभिन्न रमणिय स्थलमा छायाँकन गरिएको भिडियोमा मौलिक परिवेश झल्काउने किसिमको अभिनय रहेको छ । दुर्गा सेन्चुरीको शब्द सिर्जना तथा लय सिर्जना गीतमा रहेको छ ।