बाइकमा सवार बलिउड सोनाक्षी ट्रोलको शिकार
माघ १९, काठमाडौ । भारतकी चर्चित नायिका सोनाक्षी सिन्हा बाइक यात्रा गर्न निस्किएपछी ट्रोलको शिकार बन्न पुगेकी छिन् ।
सोनाक्षीले मुम्बईको भीडभाड र ट्राफिकबाट बच्नका लागि बाइकको सहारा लिएपछी उनी ट्रोलको शिकार बन्न पुगेकी हुन् ।
भारतीय संचार माध्यमका अनुसार उनले करिना कपुरको शो ह्वाट वुमन वान्ट्सको सुटिङमा पुग्नको लागि बाइकको साहरा लिएकी थिईन् तर उनी त्यही सहाराका कारण ट्रोलको शिकार बन्न पुगिन् ।
आफ्ना दुई अंगरक्षकसहित बाहिर निस्किएकी सोनाक्षीका कारण सडकमा जामजस्तो स्थिती पैदा भएको थियो । जसका लागि ट्वीटरमा प्रशंसकले आफ्नो रिस समेत व्यक्त गरेका छन् ।
अहिले उनले सडकमा बाइक चलाएको उक्त तस्बिर र भिडियो सामाजिक संजालभरी निकै भाईरल भईरहेको छ । जसमा उनले हेल्मेट लगाएर बाइक चलाइरहेको देखिन्छ । उक्त भिडियोमा सोनाक्षीले मानिसहरुलाई बाटोमा भीड नगर्न समेत भनिरहेकी छिन् ।