बलात्कारको आरोपमा फेरि एक ‘बाबा’ पक्राउ

माघ २०, बरा । आईतबार बाराबाट  बलात्कारको आरोपमा आफूलाई आशाराम बापुका चेला बताउने एक बाबालाई प्रहरीले पक्राउ गरेको छ ।   

प्रहरीले बाराको कोल्हवी नगरपालिका वडा नम्बर ११ रमपूर्वाका  १४ वर्षीय  बालिकालाई बलात्कार गरेको आरोपमा आशारामको चेला बताउने भारतीय नागरिक रामेश्वर शर्मालाई पक्राउ गरेकाे हो । 

विगत १५ वर्षदेखि कोल्हवी क्षेत्रमा बस्दै आएका ५५ बर्षिया शर्माले  झारफुक गर्ने नाममा स्थानीयहरुलाई प्रभावमा  पार्दै आईरहेको प्रहरीले जनाएको छ ।   

झणडा बाबाको नामले  चिनिने उक्त बाबाले पिडित बालिकालाई मन्त्र सिकाउने भन्दै बालिकालाई बालात्कार गरेको  ईलाका प्रहरी कार्यालय कोल्हवीले जनाएकाे छ ।   

पक्राउ परेका  शर्मालाई नाबालिका करणी अभियोगमा फौजदारी अपराध सहिंता २०७४ अनुसार मुद्दा चलाउने ईलाका प्रहरी कार्यालय कोल्हवीका प्रमुख  प्रहरी निरीक्षक बालिष्टर सिंहले जनाकारी दिए ।