महिलालाई फोनमा जिस्क्याउने र अपशब्द प्रयोग गर्ने दुई जना पक्राउ
मकालु खबर २०७६ माघ १० गते
माघ १०, काठमाडौँ । बारामा प्रहरीले महिलालाई फोर गरेर बारम्बार जिस्क्याउने र अपशब्द प्रयोग गर्ने दुई जनालाई पक्राउ गरेको छ ।
प्रहरीका अनुसार कलैया उपमहानगरपालिका– १८ को एक महिलाले पुस २० गतेदेखि आफूलाई फोन गरेर जिस्काएको र अपशब्द प्रयोग गरेर हैरान बनाएको उजुरी दिएपछी उनीहरुलाई कलैयाबाट पक्राउ गरिएको हो ।
पक्राउ पर्नेमा बारा देवताल गाउँपालिका २ बस्ने अखिलेश यादव र भारत बिहार पूर्वी चम्पारण मोतिहारी जिल्ला घोडासहन थाना बस्ने इन्दल यादव रहेको प्रहरीले जनाएको छ ।
प्रहरीका अनुसार पक्राउ परेका उनीहरुमाथी जिल्ला प्रशासन कार्यालय बाराबाट अभद्र व्यवहार मुद्दामा दिन ७ को म्याद अनुमति लिई थप अनुसन्धान भइरहेको छ ।
मकालु खबर २०७६ माघ १० गते
प्रतिक्रिया
सम्बन्धित
