मोटरसाइकल अनियन्त्रित भई दुर्घटना हुँदा एकको मृत्यु, एक घाइते
मकालु खबर
२०७६ पुस २२ गते
पुस २२,ओखलढुंगा । सोमबार राती ओखलढुंगामा मोटरसाइकल अनियन्त्रित भई दुर्घटना हुँदा एकको मृत्यु भएको छ भने अर्का एक व्यक्ति घाइते भएका छन् ।
ओखलढुंगाको सुनकोशी गाउँपालिका–३ सिस्नेरीमा बा ६५ प ७४७३ नंको मोटरसाइकल अनियन्त्रित भई दुर्घटना हुँदा मोटरसाइकल चालक र सोही मोटरसाइकल पछाडी बस्ने अर्का एक व्यक्ति घाइते भएका हुन् ।
मृत्यु हुनेमा सुनकोशी–३ कै ४५ वर्षीय शेरबहादुर मगर रहेका छन् भने घाइते हुनेमा सिस्नेरीकै कुमार भनिने काशीराम थापा रहेको जिल्ला प्रहरी कार्यालयका प्रहरी निरीक्षक मिलन बस्नेतले जानकारी दिएका छन् ।
निरीक्षक बस्नेतका अनुसार घाइते थापाको स्थानीय स्वास्थ्य संस्थामा उपचार भइरहेको छ । बल्खुबाट सिस्नेरी घरतर्फ फर्किदै गर्दा मोटरसाइकल अनियन्त्रित भई सडकबाट खोल्सामा खसेर दुर्घटना भएको प्रहरीले जनाएको छ ।
मकालु खबर
२०७६ पुस २२ गते
प्रतिक्रिया
सम्बन्धित