भीड उत्तेजित बन्दै गएपछी वीरेन्द्रनगरमा कर्फ्युकाे आदेश

फाेटाे फाइल 

माघ १४, काठमाडौँ ।  मंगलबार बिहान सुर्खेतमा टिपरको ठक्करबाट मोटरसाइकल चालक २१ वर्षिय केशरबहादुरको सिंहको मृत्यु भएपछी प्रदर्शनमा उत्रिएकाहरुलाई नियन्त्रण गर्न  कर्फ्यु आदेश गरिएको छ ।   

आज  बिहान वीरेन्द्रनगर नगरपालिका–३ सुर्खेत गौतमचोक नजिकै  भे १ ख २२४२ को टिपरले  सिंहको  ट भे १ प २१७८ नम्बरको  मोटरसाईकललाई ठक्कर दिएको थियो ।   

टिपरको ठक्करबाट  कालीकोट महावै गाउँपालिका–३ सिमखेतका सिंहको मृत्यु भएपछी उनका आफन्तजनले बिभिन्न नाराबाजी गर्दै प्रदर्शन गरेका थिए । यसै क्रममा  प्रदर्शनलाई नियन्त्रण गर्न प्रहरीले २ राउन्ड हवाइ फायर गर्दा  ८ जना  समेत घाइते भएका छन् । 

तर भीड झन् उत्तेजित बन्दैगएपछी अरु क्षती नहोस् भन्ने उदेश्यले जिल्ला सुरक्षा समितिको बैठकबाट कर्फ्यु लगाउने निर्णय भएपछी  जिल्ला प्रशासन कार्यालय सुर्खेतले  कर्फ्यु आदेश जारी गरेको हो ।   

कर्फ्युको आदेश मंगलबार साँझ ६ः३० बजेदेखि माघ १५ गते बिहान ६ बजेसम्मको लागि  जारी गरिएकाे  छ ।  

कर्फ्यु समय सम्म कर्फ्यु  जारी गरिएको क्षेत्रभित्र कसैले आवातजावात गर्न, भेला जम्मा हुन र अन्य कुनै किसिमको गतिविधि गर्न नपाइने प्रहरीले जनाएको छ ।  कर्फ्यु तोड्ने व्यक्तिलाई आवश्यकताअनुसार सुरक्षाकर्मीले गोली चलाउनसक्ने जिल्ला प्रशासन कार्यालय सुर्खेतले जनाएको छ ।