सानेपामा नेविसंघका विद्यार्थीबीच झडप हुँदा २ जना घाइते

माघ १३, काठमाडौँ । ललितपुरको  कांग्रेस पार्टी कार्यालय सानेपामा नेविसंघका  दुई  विद्यार्थी समूहबीच झडप हुँदा दुई जना विद्यार्थी  घाइते भएका छन् ।   

केन्द्रीय समिति बैठकका लागि सभापति शेरबहादुर देउवा पार्टी कार्यालय पुगे लगतै  नेपाली कांग्रेसको विद्यार्थी संगठन नेपाल विद्यार्थी संघका दुई विद्यार्थी समूहबीच  झडप  भएको थियो ।   

यस  झडपमा परी कमल पन्त र लक्ष्मी बोगटी रहेको नेविसंघका नेता विकास भण्डारीले बताए । उनीहरुलाई उपचारका लागि अस्पताल लगिएको भण्डारीले जानकारी दिएका छन् ।   

झडप  संस्थापन पक्षका विद्यार्थी र कुन्दन काफ्ले पक्षका विद्यार्थीबिच भएको जानकारीमा आएको छ ।