‘दि कर्मा’ को ‘साना साना सपना’ गीत सार्वजनिक
मकालु खबर
माघ १०, काठमाडौँ । देवकुमार श्रेष्ठको निर्देशनमा तयार भएको चलचित्र ‘दि कर्मा’ को ‘साना साना सपना’ गीत सार्वजनिक भएको छ ।
३ मिनेट भन्दा लामो सार्वजनिक गरिएको उक्त गीतको भिडियोमा चलचित्रको मुख्य पात्र जयराज राय र संगीतालाई फिचर्ड गरिएको छ ।
केतन क्षेत्रीको स्वर रहेको यस गीतमा संगित भने मानस विक्रम थापा र अंकित बाबु अधिकारीको रहेको छ । गीतमा शब्द भने मानसकै रहेको छ ।
भारत र नेपालको बोर्डरमा हुने अपराधिक घटनाको बिषयबस्तु समेटिएर बनाईएको यस चलचित्रमा जय र संगीतासँगै परमिता आर.एल. राणा. करण वर्मा, निता ढुंगाना, बुद्दि तामाङ, अनुप सक्सेना लगायतका कलाकारको भूमिका रहेको छ ।
जय मिडिया म्यानेजमेन्ट र श्रीत फिल्मस् एण्ड इन्टरटेन्मेन्टको ब्यानरमा बनेको यस चलचित्रमा कथा निर्माता जय राज राय आँफैले लेखेका हुन् । तराई क्षेत्रमा छायाँकन गरिएको यस चलचित्र आगामी माघ १७ गतेबाट देशभर प्रदर्शन हुनेछ ।
https://youtu.be/vfrsWvt2w3s
मकालु खबर
