एनजीओ/आइएनजीओलाई घर भाडामा नदिन विप्लवद्वारा अपिल

माघ ६, धनकुुटा । धनकुटामा विप्लव नेतृत्वको प्रतिवन्धित नेकपाद्वारा एनजिओ /आइएनजीओहरुलाई घर भाडामा नदिन अपिल गरिएको छ । 

विप्लव नेतृत्वको नेपाल कम्युनिष्ट पार्टी जिल्ला समिति धनकुटाले प्रेस विज्ञप्ति जारी गर्दै यस्तो अपिल गरिएको हो ।   

जिल्ला इन्चार्ज दर्शन किराती र सचिव सुदर्शन थापाद्वारा जारी विज्ञप्तिमा  एनजीओ/आइएनजीओलाई घर भाडा नदिन वा भाडामा दिईएका त्यस्ता संघसंस्थालाई हटाउन  घरबेटीलाई  अपिल गरिएको छ ।  उक्त विज्ञप्तीमा राष्ट्रलाई आर्थिक संकटबाट बचाउनका लागि यस्ता संस्थालाई बाहिस्कार गर्न आग्रह गरिएको छ ।   

विज्ञप्तीमा लेखिएको छ, ‘दलाल पुँजीवादी संस्था तपाईको घरमा कार्यालय खोलेर बसेको हुनाले उक्त संस्थाको कार्यालय हटाइदिनुहुन अनुरोध छ । जनताको इच्छा विपरित ढाँटछल गरी आफ्नो स्वार्थ पूरा गरिरहेकाले यस्ता संस्थालाई बन्द गर्ने हाम्रो अभियानमा सहयोग गर्नुहुन अनुरोध छ ।’