धरौटीमा रिहा भईन् गायिका आस्था

माघ १४, काठमाडौँ । सोमबार बिहान पक्राउ परेकी गायिका आस्था राउत मंगलबार धरौटीमा रिहा भएकी छिन् । 

उनी  ४ हजार धरौटीमा आज दिउँसो  रिहा भएकी हुन् ।   

अभद्र व्यवहार सम्बन्धी कसूरमा पक्राउ परेकी आस्थालाई  काठमाडौंका प्रमुख जिल्ला अधिकारी जनकराज दाहालले  धरौटीमा रिहा गर्ने आदेश दिएको हो ।   

प्रहरीले उनीबिरुद्ध मंगलबार नै जिल्ला प्रशासन कार्यालयमा अभियोग पत्र दर्ता गरेको थियो। अभियोग पत्र दर्ता भएसँगै प्रहरीले राउतलाई थुनछेक प्रयोजनका लागि काठमाडौँ जिल्ला प्रशासन कार्यालय पुर्‍याएको छ।