काठमाडौँमा गैंडाको खागसहित २ जना पक्राउ
मकालु खबर २०७६ माघ १६ गते
माघ १६, काठमाडौँ । प्रहरीले काठमाडौँमा गैंडाको खाग २५ लाखमा बेच्न बार्गेनिङ गरिरहेको सूचनाको आधारमा गैंडाको खागसहित २ जनालाई पक्राउ गरेको छ ।
प्रहरीका अनुसार काठमाडौँको चाबहिलबाट काठमाडौँको खड्गभद्रकालीका ४६ वर्षीय लव खत्री र बाजुराको बुढीगंगाका २२ वर्षीय दिनेश थापालाई पक्राउ गरिएको हो ।
महानगरीय अपराध महाशाखा अनुसार उनीहरुको कोठा खानतलासी गर्ने क्रममा गैडाको खाग थान १ फेला पारिएको छ ।
पक्राउ परेका उनीहरुलाई कारवाहीको लागि जिल्ला बन कार्यालय हात्तीसार लगिएको प्रहरीले जनाएको छ ।
मकालु खबर २०७६ माघ १६ गते
प्रतिक्रिया
सम्बन्धित
