‘ए’ डिभिजन लिग : एनआरटीद्वारा पुलिस पराजित
मकालु खबर
२०७६ पुस २८ गते
पुष २८, काठमाडौं । शहीद स्मारक ‘ए’ डिभिजन लिग फुटबल अन्तरगत सोमबारको पहिलो खेलमा विभागीय टोली नेपाल पुलिस क्लब पराजित भएको छ । दशरथ रंगशालामा भएको खेलमा एनआरटीले पुलिसललाई १–० गोलले पराजित गरेको हो । प्रतिस्पर्धात्मक खेलको पहिलो हाफ गोलरहित बराबरीमा सकिएको थियो ।
एनआरटीले खेलको ७६ औं मिनेटमा निर्णायक गोल गरेको थियो । एनआरटीका लागि दर्शन गुरुङले गोल गरे ।
दर्शनले राजेश परियारको पासमा उत्कृष्ट गोल गरेका थिए । एनआरटीका मिडफिल्डर एरिक बिष्ट म्यान अफ दी म्याच भए । उनले १० हजार रुपैयाँ पुरस्कार पाए । जितसँगै एनआरटी अंक तालिकाको छैटौं स्थानमा उक्लिएको छ । एनआरटीले ६ खेलमा ८ अंक बनाएको छ । समान ८ अंक बनाएको पुलिस सातौं स्थानमा छ ।
मकालु खबर
२०७६ पुस २८ गते
प्रतिक्रिया
सम्बन्धित