ट्रिपरको ठक्करबाट प्रेमीको मृत्यु भएपछी प्रेमिकाले गरिन् आत्महत्या
माघ १५, सुर्खेत । ट्रिपरको ठक्करबाट प्रेमीको मृत्यु भएपछी एक प्रेमिकाले बियोग सहन नसकेर आत्महत्या गरेकी छिन् ।
मंगलबार बिहान वीरेन्द्रनगर नगरपालिका–३ सुर्खेत गौतमचोक नजिकै भे १ ख २२४२ को टिपरले ट भे १ प २१७८ नम्बरको मोटरसाईकललाई ठक्कर दिँदा मोटरसाईकल चालक २१ वर्षिय केशरबहादुरको सिंहको मृत्यु भएको थियो ।
सोही बियोग सहन नसकेर उनीको प्रेमिका अरुणा शाहीले आत्महत्या गरेकी हुन् । सिंहको शव देखेलगत्तै घर फर्किएकी शाहीले झुण्डिएर आत्महत्या गरेकी हुन् ।
कालिकोट महावै गाउँपालिका ३ का सिंहको ट्रिपरले ठक्करबाट मृत्यु भएपछि सो क्षेत्र मंगलबार दिनभर तनावग्रस्त भएको थियो । सिंहको निधन भएलगत्तै स्थानीयवासी र आफन्तले बिभिन्न नाराबाजी गरी प्रदशर्न समेत गरेका थिए ।
यसै क्रममा प्रदर्शनलाई नियन्त्रण गर्न प्रहरीले २ राउन्ड हवाइ फायर गर्दा ८ जना घाइते भएका थिए भने हिजो ६ः३० बजेदेखि आज बिहान ६ बजेसम्मको लागि कर्फ्यु समेत जारी गरिएको थियो ।