नेकपा भित्रको विवाद मिल्यो, सभामुखमा अग्नि सापकोटा
मकालु खबर
२०७६ माघ ५ गते
माघ ५, काठमाडौं । सत्तारुढ दल नेपाल कम्युनिष्ट पार्टीका अध्यक्षद्वय केपी शर्मा ओली र पुष्पकमल दाहालले सभामुखको टुङ्गो लगाएका छन् । लामो समयदेखि विवादमा रहेको सभामुखका विषयमा नेकपाले टुङ्ग्याएको हो ।
आइतबार बिहान बालुवाटारमा भएको नेकपा अध्यक्षद्धय ओली र प्रचण्डबीच अग्नि सापकोटालाई सभामुखको उम्मेदवार बनाउन सहमत भएका हुन् ।
सभामुखमा दुई अध्यक्षको सहमति पछि आजै बस्ने नेकपा सचिवालय बैठकले सापकोटाको नाम अनुमोदन गर्ने बालुवाटार श्रोतले जानकारी दिएको छ ।
यसअघि नेकपाभित्र सभामुखको उम्मेदवार कसलाई बनाउने भन्नेमा दुई नेताबीच मत बाझिएको थियो । दुई नेताबीच बिहान भएको छलफलपछि अपरान्ह चार बजे सचिवालय बैठक बोलाइएको छ । महासचिव विष्णु पौडेलले आइतबार बिहान दुई अध्यक्षबीचको छलफलपछि अपरान्ह चार बजेलाई सचिवालय बैठक बोलाइएको जानकारी दिए ।
मकालु खबर
२०७६ माघ ५ गते
प्रतिक्रिया
सम्बन्धित