होमवर्क नगर्दा विद्यार्थीको हात भाँच्ने शिक्षक पक्राउ

२०७६ माघ १४ गते

माघ १४, सिरहा । होमवर्क नगरेको भन्दै एक विद्यार्थीको हातै भाँच्चिने गरी कुट्ने शिक्षकलाई प्रहरीले पक्राउ गरेको छ ।
सिरहाको मिर्चैया नगरपालिका ६ स्थित स्वस्तिक पाठशालामा अध्ययनरत १२ वर्षीय रितिक यादवलाई हात नै भाँचिने गरी कुट्ने शिक्षक ताराबहादुर कार्कीलाई प्रहरीले पक्राउ गरेको हो ।
पाठशालाको होस्टलमै रहेर अध्ययन गर्दै आएका सिरहा नगरपालिका वडा नम्बर २ बस्ने रितिकको शिक्षकको कुटाईबाट बायाँ हात नै भाँचिएको छ ।
पक्राउ परेका कार्कीमाथी कारवाहीको लागि अनुसन्धान भईरहेको इलाका प्रहरी कार्यालय मिर्चैयाका प्रहरी नायब उपरीक्षक सन्तु जैसवालले जानकारी दिए ।

२०७६ माघ १४ गते
प्रतिक्रिया
सम्बन्धित