लागूऔषध किन्ने र बेच्ने तीनै जना पक्राउ

माघ ७, गोरखा  । गोरखामा प्रतिबन्धित लागूऔषध किन्ने र बेच्ने तीन जनालाई प्रहरीले पक्राउ गरेको छ ।  गोरखाको अजिरकोट गाउँपालिका ५ रातामाटामा लागूऔषध लागूऔषध गाँजा किन्ने र बेच्ने तीनै जनालाई प्रहरीले पक्राउ गरेको हो ।   

प्रहरीका अनुसार अजिरकोट ५ का नरबहादुर नेपाली, काभ्रेको दाप्चा नगरपालिका–४ का १९ वर्षीय सागर तामाङ र चितवनको गीतानगर बस्ने २४ वर्षीय गणेश भुजेललाई पक्राउ गरिएको छ ।   

पक्राउ परेका मध्ये तामाङ र भुजेल  खरिदकर्ता हुन् भने  नरबहादुर बिक्रीकर्ता रहेको खुल्न आएको  जिल्ला प्रहरी प्रमुख एसपी ओमप्रसाद अधिकारीले जानकारी दिए । 

पक्राउ परेका उनीहरुको साथबाट ६ सय ग्राम गाँजा फेला पारिएको प्रहरीले जनाएको छ ।  प्रहरीका अनुसार पक्राउ परेका तीनै जनामाथि थप अनुसन्धान भइरहेको  छ ।