पेस्तोल हराउने अंगरक्षकमाथी अनुसन्धान सुरु

पुष १, जनकपुरधाम । उच्च अदालत जनकपुरकी न्यायाधीश सकुन्तला घिमिरेको  सुरक्षा खटिएकी एक अंगरक्षकले पेस्तोल हराएपछी उनीमाथी अनुसन्धान सुरु गरिएको छ । 

न्यायाधीशको सुरक्षामा खटिएकी अंगरक्षकको रुपमा कार्यरत प्रहरी जवान रनिताकुमारी केवटले आफूले बोक्दै आएको पेस्तोल हराएपछी उनीमाथी जिल्ला प्रहरी कार्यालयले अनुसन्धान सुरु गरिएको हो ।   

अनुसन्धानको क्रममा उक्त हतियार केवटको  प्रेमी  शिवेन्द्र यादवले लिएकर फरार भएको खुल्न आएको छ ।   

मंसिरको तेस्रो हप्ता  नवलपरासीबाट आएका  प्रेमी यादवलाई भेट्न जाँदा यी दुईबीचमा बिवाद भएको र बिवादपछी प्रेमी भनिने यादवले केवटको सात राउण्ड गोली लोड गरिएको उक्त पेस्तोल लिएर फरार रहेको प्रहरीले जनाएको छ ।   

देश प्रहरी कार्यालयका प्रबक्ता डीएसपी ज्ञानकुमार महतोका अनुसार यस सम्बन्धमा अनुसन्धान भइरहेको छ ।