काठमाडौँमा अवैध विद्युतीय सामान सहित दुई पक्राउ

पुस १०, काठमाडौँ । काठमाडौँमा प्रहरीले अवैध रुपमा भन्सार छली ल्याइएको विद्युतीय सामान सहित दुई जनालाई पक्राउ गरेको छ ।   

गएराती महानगरीय प्रहरी वृत्त स्वयम्भुबाट खटिएको प्रहरी टोलीले उनीहरुलाई नियन्त्रण लिन सफल भएको हो ।   

अवैध रुपमा सामान ल्याएको आरोपमा काठमाडौं महानगरपालिका २५ गुह्यश्वरीका २७ वर्षीय निकेश शाक्य र लैनचौर बस्ने नुवाकोटका रेश्मा श्रेष्ठलाई पक्राउ गरिएको प्रहरीले जानकारी दिएका छन् ।   

प्रहरीका अनुसार पक्राउ परेका उनीहरुको साथबाट १५ लाख ७७ हजार नगद, एनएमबी बैंकको पाँच लाखको चेक, २३ थान आईप्याड, १८ थान आईफोन ११, नौ थान एप्पल वाच, वायरलेस एयरफोन ६ थान, सामसुङका १५ थान मोवाइललगायतका सामान फेला पारिएको छ ।   

उनीहरुको साथबाट फेला पारिएको उक्त सामानको मूल्य ५५ लाख रुपैयाँ बराबर रहेको प्रहरीले जनाएको छ ।  प्रहरीका अनुसार पक्राउ परेका उनीहरुमाथी कारवाहीको लागि अनुसन्धान भईरहेको छ ।