देशभर चिसो बढ्यो, बुधबारबाट मौसम प्रणालीमा सुधार आउने

मंसिर ३०, काठमाडौं । पश्चिमी वायुको प्रभावका कारण  काठमाडौंसहित देशभर अत्याधिक चिसो बढेको छ । जल तथा मौसम विज्ञान विभागका अनुसार, पश्चिमी वायुको प्रभावका कारण वर्षा र हिमपात भएपछि देशभरको तापक्रम घटेको हो । 

सोमबार बिहान जुम्लाको तापक्रम माइनस ७ डिग्रीमा झरेको विभागले जनााएको छ ।  बिहान तापक्रम घटे पनि दिउँसो यहाँको अधिकतम तापक्रम ८ डिग्रीसम्म पुग्ने प्रक्षेपण विभागले गरेको छ । 

त्यस्तै, काठमाडौं उपत्यकाको न्यूनतम तापक्रम सोमबार बिहान ६ डिग्री मापन भएको छ । बिहान चिसिएको काठमाडौंको तापक्रम दिउँसो भने १५.७ डिग्रीसम्म पुग्ने मौसमविद्को अनुमान छ ।   

null

विभागका अनुसार, सोमबार देशभर सामान्य बदली भई उच्च पहाडीसहित हिमाली भूभागमा हिमपात हुनसक्छ । 

बुधबारबाट भने  मौसमी प्रणालीमा सुधार आउने विभागको भनाइ छ ।