नायक विपिनलाई सन्तान प्राप्त

मंसिर २, काठमाडौँ । हालै चलचित्र ‘सेल्फी किङ्ग’को छायांकन सकेका  नायक विपिन कार्की बुवा बनेका छन् ।  करिब ५ वर्ष अघी रेश्मा कटुवालसँग बिवाह गरेका बिपिनले पहिलो सन्तानको रुपमा छोरीको बुवा बन्ने अवसर पाएका हुन् ।   

सोमबार बिहान  ६ बजेर ४२ मिनेटमा उनका श्रीमती रेश्माले बल्खुस्थित बयोदा अस्पतालमा छोरीलाई जन्म दिएकी हुन् । बच्चाको तौल  ३.७ केजी हुनुको साथै बच्चा र आमाको स्वास्थ्य निकै राम्रो रहेको उनले जानकारी गराएका छन् ।   

उनले छोरी जन्मेको खुशीयालीमा  सामाजिक सञ्जाल फेसबुकमा आफ्नो र नवशिशुको तस्विर सेयर गर्दै लेखेका छन् ।  ‘उनी हाम्रो प्रेम र बन्धनको पहिलो उत्पादन हो । हामी आमाबुबा हुन पाएकोमा खुशी छौं । हामीलाई विश्वास छ कि उनी सुन्दर रमनमोहक महिला हुनेछिन् । हाम्रो प्यारी छोरीलाई स्वागत छ ।’ 

चलचित्रमा धेरैचोटी बुवा बनिसकेका तर वास्तविक जिवनमा भने बल्ल बुवा बन्ने अवसर पाएका बिपिनले भने चलचित्रको पर्दामा पनि म बाबु बनेको छु । तर, त्यसमा अभिनय गर्दा र रियल लाइफमै बाबु भन्दाको अनुभव धेरै फरक हुने रहेछ । म आफूलाई महशुश भएको कुरा शब्दमा बर्णन गर्न नै सक्दिनँ ।’