१३ औँ साग पुरुष फुटबलमा नेपाल र भारत फरक समूह
मकालु खबर
मंसिर ६, काठमाडौँ । नौ दिनपछी सुरु हुने १३ औं दक्षिण एसियाली खेलकुद (साग) को पुरुष फुटबलमा नेपाल र भारत फरक फरक समूहमा परेका छन् ।
शुक्रबार एन्फा कम्प्लेक्स सातदोबाटोमा सार्वजनिक गरिएको खेलतालिका अनुसार नेपाल बंगलादेश र भुटान रहेको समूह ‘ए’ मा परेको छ भने समूह ‘बि’ मा भारत, माल्दिभ्स र श्रीलंका परेका छन् ।
नेपालले बंगलादेश र भुटानसँग प्रतिस्पर्धा गर्नुपर्नेछ भने भारतले श्रीलंका र मालदिभ्ससँग प्रतिस्पर्धा गर्नुपर्नेछ । दशरथ रंगशालामा हुने यस पुरुष फूटबलमा सार्क सदस्य राष्ट्रमध्ये पाकिस्तान सहभागी गराइएकाे छैन् ।
लिग कम नकआउटका आधारमा यस खेलमा समूहको शीर्ष दुईमा रहने टिम सेमिफाइनल पुग्नेछ । यस खेलको पहिलो दिन नेपालले बंगलादेशसँग प्रतिस्पर्धा गर्नुपर्नेछ ।
नेपालले गत संस्करणको फाइनलमा भारतलाई हराउँदै सागमा २३ वर्षपछि स्वर्ण पदक जितेको थियो।
मकालु खबर
