भरुवा बन्दुक फेला

मंसिर २, काठमाडौँ ।  भरुवा बन्दुक लुकाइ राखेकाे सूचनाको आधारमा सोमबार प्रहरीले  सिन्धुलीबाट एकथान  भरुवा बन्दुक फेला पारेको छ । 

सिन्धुलीको सुनकोसी गाउँपालिका ७ मझुवाका सुप्रिम लामाको गोठमा लुकाई राखेको अवस्थामा उक्त भरुवा बन्दुक फेला पारेको हो ।   

सो गोठमा छापा मार्न पुगेका  इलाका प्रहरी कार्यालय खुर्कोटको प्रहरी टोलीले उक्त बन्दुकलाई नियन्त्रणमा लिएको हो ।  यस घटनाबारे अनुसन्धान भईरहेको प्रहरीले जानकारी दिएका छन् ।