लागू औषधसहित तीन पक्राउ

कार्तिक २५, जनकपुरधाम । प्रहरी चौकी कचनारी सिरहाबाट खटेको गस्ती टोलीले  लागुऔषध सहित ३ जनालाई पक्राउ गरेको छ ।   

सिरहाको बरियारपट्टी गाउँपालिका वडा नं १ कचनारीबाट उक्त गस्ती टोलीले एक भारतीय सहित ३ जनालाई पक्राउ गरेको हो । 

प्रहरीका अनुसार मोरङ्ग जिल्लाको शिक्ला जुंग गाउँपालिका वडा नं. ७ बस्ने १८ वर्षीय रोशन खडका, ३० वर्षिय गोबिन्द नेपाल र भारत विहार मधुबनी थाना लौका अञ्चल खुटौना फूलपरा धर्मौनाका का १८ वर्षिय मोहमद रियाजलाई पक्राउ गरिएको हो । 

पक्राउ परेका उनीहरुको साथबाट नाईट्रोभेट १४ पता, स्पास्मो ५ पता र गाँजा १० ग्राम  फेला पारिएको सिरहाका प्रहरी प्रवक्ता प्रहरी नायव उपरिक्षक अपिलराज बोहराले जानकारी दिएका छन् । 

हाल पक्राउ परेका उनीहरुमाथी अनुसन्धान भईरहेको प्रहरीले  जनाएको छ ।