संचार उद्यमी पण्डित अर्याल बने विश्व हिन्दू महासंघको उपसभापति
मंसिर ५, चितवन । चितवनका संचार उद्यमी पण्डित बालकृष्ण अर्याल विश्व हिन्दू महासंघ राष्ट्रिय समिति बाँसबारीको उपसभापतिमा मनोनित भएका छन ।
महासंघका सभापति नीलप्रसाद भण्डारीले अर्यालसहित ५ जनालाई सर्वसम्मत उपसभापतिमा मनोनित गरेको हो । अर्यालसँगै मनोनित हुनेहरुमा पुर्व न्यायधिश राजेन्द्र कुमार भण्डारी, चित्रबहादुर तिमिल्सिना, हरिबिलास खनाल र जितबहादुर भारती पनि उपसभापतिमा मनोनित भएका छन ।
महासंघको गत कार्तिक २० गते चितवनको रत्ननगरमा साँतौ राष्ट्रिय महाधिवेशन सम्पन्न भएको थियो । उक्त महाधिवेशनबाट सिन्धुपाल्चोकका भण्डारी सभापति चयन भएका थिए । महासंघको विधानअनुसार उपसभापतिसहित सम्पुर्ण पदाधिकारी तथा कार्यसमिति सभापतिले चयन गर्ने प्रावधान रहेको छ ।
उपसभापतिमा मनोनित पण्डित अर्याल माधुर्य कथाबाचकका रुपमा देश तथा विदेशमा प्रसिद्ध छन । उनकै अध्यक्षतामा ६ बर्ष अघि खैरहनी चितवनमा ग्रेट एफ एम १०६.४ मेगाहर्जको स्थापना भएको थियो । उनी अहिले पनि एफ एमको अध्यक्ष रहेका छन ।