अर्घाखाँची बस दुर्घटना अपडेटः मृतक १९ जनाकै पहिचान खुल्यो
मंसिर १२, अर्घाखाँची । बुधबार दिउँसो अर्घाखाँचीको सन्धीखर्क देखी बुटवलतर्फ जाँदै गरेको यात्रु बहाक बस दुर्घटना हुँदा ज्यान गुमाउँने १९ जनाकै पहिचान खुलेकाे छ ।
लु २ ख २१४८ नम्बरको बस अर्घाखाँचीको सन्धीखर्क नगरपालिका–६, नरपानीमा दुर्घटना हुँदा अर्घाखाँची सन्धिखर्क नगरपालिका ७ डिहिडाडाका शिवलाल भट्टराई, सोही स्थान बस्ने माया पुरी, बलराम भट्टराई, कपिलवस्तु वाणगंगा नगरपालिका ७ बनगाईका ३ महिने बालक सोभाखर पोख्नेल, कपिलवस्तु जिल्ला बाणगंगा नगरपालिका ८ चपरगाउँ बस्ने २७ वर्षीया सीता बस्नेत, अर्घाखाँची जिल्ला भूमिकास्थान नगरपालिका १० का छवीलाल गैरे, गुल्मी जिल्ला मदाने गाउँपालिका २ घर भई हाल रुपन्देही जिल्ला भैरहवा गैडहा ७ का बसन्त भन्ने ओम बहादु (चालक), अर्घाखाँची जिल्ला सन्धिखर्क ७ की मोनिका खड्का र गुल्मी जिल्ला धुर्कोट २ का सशस्त्र प्रहरी जवान राज कुमार महतले ज्यान गुमाएका थिए ।
त्यसैगरी सोही दुर्घटनामा सन्धिखर्क २ बस्ने ५९ वर्षीया सीता कुमारी सार्की नेपाली, भूमिकास्थान नगरपालिका ९ की सीता घिमिरे, सोही स्थानकी विष्णु माया, भूमिकास्थान नगरपालिका ७ का मैघनाथ जैसी भण्डारी, अर्घाखाँची जिल्ला सितगंगा नगरपालिका १ की मञ्जु बिक, अर्घाखाँची जिल्ला छत्रदेव गाउँपालिका ८ का कृष्ण बहादुर सुनार, सितगंगा ७ कल्लेरी बस्ने लोक बहादुर दर्जी, सोही स्थानका हरी बहादर दर्जी, सितगंगा २ का सन्त बहादुर बस्नेत तथा भूमिकास्थान नगरपालिका ९ ठुलोडेवाका शैलेस थापाले पनि ज्यान गुमाएको जिल्ला प्रहरी कार्यालय अर्घाखाँचीले जानकारी दिएको छ।
प्रहरीका अनुसार मृतक मध्ये ११ जनाको शव आफन्तले पोष्टमार्टमपछि बुझिसकेका छन् भने ८ जनाको शव बुझाउन बाँकी रहेको छ ।
दुर्घटनामा परी घाइते हुने १६ को भैरहवा मेडिकल कलेज, लुम्बिनी प्रादेशिक अस्पताल, क्रिमसन अस्पताल, चौराहा हस्पिटल लगायतको अस्पतालमा उपचार भईरहेको प्रहरीले जनाएको छ । प्रहरीका अनुसार उक्त बस सडकबाट करिब चार सय मिटर तल खसेर दुर्घटना भएको थियो ।