आलम बम काण्डः थुनछेक बहस सकियो, आजै फैसला हुने
मकालु खबर
२०७६ कार्तिक २९ गते
कार्तिक २९, रौटहट । बम काण्डमा पक्राउ परेका नेपाली काँग्रेसका निलम्बित सांसद आफताब आलमको थुनछेक बहस शुक्रबार सकिएको छ ।
रौतहटको राजपुरमा बम विस्फोटको आरोपमा पक्राउ परेका आलमको जिल्ला अदालत रौतहटमा एक हप्ता भन्दा बढी समय देखी चलिरहेको थुनछेक बहस आज सकिएको हो ।
गत कात्तिक २१ देखी सुरु भएको उनको थुनछेक बहस धेरै कानुन व्यवसायीहरुले बहस गर्ने भएपछी लम्बिएको थियो । उनको थुनछेक बहस सकिएसँगै आजै फैसला हुने जिल्ला अदालत रौतहटले जनाएको छ । जिल्ला न्यायाधीश दीपक ढकालको चार नम्बर इजलासमा आलम पक्षका एकजना वरिष्ठ अधिवक्तासहित पाँचजना अधिवक्ताहरुले शुक्रवार बहस गरेका थिए ।
आज हुने फैसलामा आलमलाई साधारण तारेखमा रिहा गर्ने वा पुर्पछका लागि हिरासतमा पठाउने निर्णय हुनेछ । उनको फैसला आजै आउने भएपछी सदरमुकाम गौरको सुरक्षा व्यवस्था कडा पारिएको छ ।
मकालु खबर
२०७६ कार्तिक २९ गते
प्रतिक्रिया
सम्बन्धित