मौसमः पहाडी भू-भागमा पानी पर्न सक्ने

कात्तिक १४, काठमाडौँ। अरब सागरको पश्चिमि भागमा रहेको (क्यार)  नामाकरण गरिएको चक्रवात बिस्तारै कमजोर हुँदै पश्चिमी-दक्षिणपश्चिमी दिशातर्फ बढिरहेको जल तथा मौसम विज्ञान विभागले जनाएको छ ।   

अर्को निम्न चापीय प्रणाली अरब सागरको दक्षिणपूर्वि भागमा विकसित भैरहेको र यो प्रणाली पनि उत्तर-पश्चिमि दिशातर्फ बढिरहेको मौसम विज्ञान विभागले जनाएको छ । 

विभागका अनुसार हाल देशभरि मौसम सामान्यतया सफा रहेको छ भने आज दिउँसो देशको पहाडी भू-भागमा आंशिक बदलि  र बाकी भूभागमा मौसम सामान्यतया सफा  रहने मौसम पूर्वानुमान महाशाखाको अनुमान छ । पहाडी भू-भागको एक वा दुई स्थानमा भने हल्का वर्षा हुने सम्भावना छ । 

null

त्यस्तै आज राती देशको पहाडी भू-भागमा आंशिक बदलि र बाँकी भूभागमा मौसम सामान्यतया सफा  रहने विभागले जनाएको छ ।