आज पनि पानी पर्ने, भोलिदेखि मात्रै मौसम सुधार हुने
असोज १, काठमाडौँ । आज देशभरि नै बदली भई वर्षा हुने र भोलि बिहीबारबाट भने मौसममा क्रमिक सुधार हुँदै जाने जल तथा मौसम विज्ञान विभागले जनाएको छ ।
देशका मध्य र पश्चिमका धेरै स्थानहरुमा तथा पूर्वका केही स्थानमा मेघ गर्जनसहितको वर्षा हुने साथै देशका थोरै स्थानहरुमा भारी वर्षाको सम्भावना रहेको जल तथा मौसम विज्ञान विभागले जनाएको छ ।
लगातारको वर्षाका कारण पहाडी भूभागमा पहिरोसमेत जान सक्ने तथा नदिहरुमा पानीको वहाब बढ्न सक्ने भएकोले सतर्कता अपनाउन सबैमा विभागको अनुरोध छ । विभागका अनुसार मौसममा आएको खराबीका कारण हवाई यातायातमा अवरोध आउनुका साथै पहिरोका कारण सडक यातायातमा पनि बाधा आउनसक्ने छ ।
null
विभागका अनुसार भारतको मध्य प्रदेशको उत्तर पश्चिमी भागमा र उत्तर प्रदेशको दक्षिणी भागमा एउटा निम्न चापीय प्रणाली अवस्थित रहेको र बंगालको खाडडीबाट अएको जलवाष्प युक्त हावाको प्रभावका कारण देशभर मनसुनी गतिबिधि सक्रिय रहेको हो ।
असोज १ गते बुधबार
दिउँसोः देशभरी सामान्य देखिपूर्ण बदली रही पश्चिम तथा मध्य भूभागका धेरै स्थानमा र बाँकी भूभागहका केही स्थानहरुमा मेघ गर्जनसहित हल्कादेखि मध्यम वर्षा हुनेछ। देशका थोरै स्थानहरुमा भारी वर्षाको सम्भावना छ।
रातिः देशको पश्चिमी तथा मध्यमा सामान्यदेखि पूर्ण बदली र पूर्वी भूभागमा सामान्य बदली रही मध्य र पश्चिमका धेरै स्थानहरुमा तथा पूर्वका केही स्थानहरुमा मेघ गर्जनसहित मध्यम वर्षा हुनेछ।
असोज २ गते बिहिबार
दिउँसोः देशभरी आंशिक देखि सामान्य बदली रही मध्य र पश्चिमका केही स्थानहरुमा र पूर्वका थोरै स्थानहरुमा मेघ गर्जनसहित हल्कादेखि मध्यम वर्षाको हुनेछ। रातिः देशभरी आंशिकदेखि सामान्य बदली रही मध्य र पश्चिमका केही स्थानहरुमा र पूर्वका थोरै स्थानहरुमा मेघ गर्जनसहित हल्कादेखि मध्यम वर्षाको हुनेछ।