आतंककारीद्वारा २२ किसानको हत्या, घाइते बालबालिका शरणको खोजीमा
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
असार १२, नाइजेरिया । नाइजेरियामा आतंककारीले २२ किसानको हत्या गरेका छन् ।
नाइजेरियाको उत्तरपूर्वी राज्य बोर्नोमा आतङ्ककारी समूह ‘बोको हराम’ ले सोमबार किसानहरुको एक समूहलाई आक्रमण गर्दा २२ जनाको मृत्यु भएको हो ।
दमासाक शहरबाट ५० किलोमिटर टाढा रहेको नाम्गाम गाउँमा सोमबार किसानहरुको एक समूहलाई बोको हराम लडाकूले आक्रमण गरेको सिन्ह्वा समाचार समितिलाई जानकारी दिएका छन्।
null
गोली लागि घाइते भएका दर्जनौं महिला र बालबालिका दमासाक शहरनजिक शरणको खोजीमा आइपुगेका छन्।
मङ्गलबार नाम्गामाबाट १८ जनाको शव बरामद भएको सरकार समर्थित स्थानीय नागरिक समूहका प्रमुख उसमान बालाले बताए ।
स्थानीय बासिन्दाको सहयोगमा नै उद्धारकार्य जारी रहेको बताइएको छ ।
नाइजेरियाको उत्तरपूर्वी इलाकामा एक दशक यता बोको हराम आतङ्ककारी समूहले हिांसात्मक गतिबिधि गर्दै आएका छन्। यस द्वन्द्वमा परी हजारौं व्यक्तिको ज्यान गइसकेको छ ।
![](https://www.makalukhabar.com/wp-content/uploads/2023/10/Final-icon-Logo-2023.png)