कतार उडे सभामुख महरा
मकालु खबर
चैत २२, काठमाडौं । सभामुख कृष्णबहादुर महरा शुक्रबार कतार प्रस्थान गरको छन् ।
कतारको दोहामा चैत २३ देखि २७ गतेसम्म हुने अन्तर संसदीय युनियन (आइपियु) को १४० औं महासभामा भाग लिनका लागि नेपाली प्रतिनिधिमण्डलको नेतृत्व गर्दै सभामुख महरा त्यसतर्फ प्रस्थान गरेका हुन् ।
null
सो महासभामा सभामुख महराले ‘शान्ति, सुरक्षा र कानूनी शासनको शिक्षा अभिवृद्धि गर्न संसद् उपयुक्त मञ्च’ शीर्षक अन्तर्गतको छलफलमा नेपालको धारणा प्रस्तुत गर्ने सङ्घीय संसद् सचिवालयले जानकारी दिएको छ ।
महासभाका क्रममा हुने महिला सांसदको बैठकमा नेपालको तर्फबाट पुष्पा भुसाल र युवा संसद् सदस्यको बैठकमा शान्ता चौधरीले सहभागिता जनाउने छन् ।
प्रतिनिधिमण्डलमा सांसद भुसाल, चौधरी, हरिचरण सिवाकोटी, विमलप्रसाद श्रीवास्ताव, लक्ष्मणलाल कर्ण, संसद् सचिवालयका महासचिव मनोहर भट्टराई र प्रतिनिधिसभाका सचिव गोपालनाथ योगीलगायत सहभागी छन् ।
मकालु खबर
