मकालु खबर
ताजा, शुलभ, निष्पक्ष

निर्वाचन प्रणाली परिवर्तनका लागि पूर्व सांसद मञ्चले छलफल चलाउने

 

विराटनगर, फागुन ३० । पूर्व सांसदहरुको संगठन पूर्व सांसद मञ्चले विद्यमान् निर्वाचन प्रणाली परिवर्तनका लागि छलफल चलाउने भएको छ । विराटनगरमा बिहीबार पत्रकार सम्मेलन गर्दै पूर्व सांसदहरुले निर्वाचन अत्याधिक खर्चिलो भएको सर्वसाधारण जनताको प्रतिनिधित्व हुन नसक्ने अवस्था सिर्जना भएको भन्दै प्रणाली परिवर्तनका लागि छलफल गर्ने भएको हो । 

विराटनगरमा चैत २ गते हुने उक्त छलफलले निर्वाचन प्रणालीमा भएका त्रुटी, कानूनका कारण भएको अप्ठ्यारो तथा संविधानमा निर्वाचन प्रणालीका विषयमा पनि समस्या रहे नरहेको विषयमा छलफल हुने पूर्व सांसद घनेन्द्र बस्नेतले बताए । 

null

यस्तै कार्यक्रमका अवसरमा संविधान कार्यान्वयनका सम्बन्धमा भएका काम, सरकारले अबलम्बन गरेको संमृद्ध नेपाल सुखी नेपालीको नारा सार्थक भएनभएको विषयमा पनि छलफल हुने बस्नेतले बताए । विद्यमान राजनीतिक विषयमा पनि छलफल हुने बताए । 

विप्लव नेतृत्वको नेकपाले हतियार उठाउने गरि हिंसात्मक आन्दोलन गर्नुको औचित्य अहिलेको सन्दर्भमा नरहेको उनले बताए । पूर्व सांसद मञ्च दुई दशक अगाडि स्थापना भएको पूर्व सांसदहरु आबद्ध संस्था हो । 

प्रतिकृयाहरु
Loading...