नेपालद्वारा यूएई ७ विकेटले पराजित

फागुन १०, काठमाडौँ । आइसीसी वुमन्स टी–२० विश्वकपको एसिया छनोटमा नेपालले यूएईलाई हराएको छ । थाईल्याण्डको ट्रेडथाई क्रिकेट मैदानमा शुक्रबार भएको समुह चरणको तेस्रो खेलमा नेपालले युएईलाई ७ विकेटले पराजित गरेको हो । 

यूएईले दिएको ४२ रनको सामान्य लक्ष्य नेपालले १०.२ ओभर खेल्दै ३ विकेट गुमाएर पुरा गर्यो । नेपालका लागि कप्तान रुविना क्षेत्रीले सर्वाधिक १८ रन जोड्दा काजल श्रेष्ठले १५ रन बनाइन भने सिता रानामगर ६ रनमा आउट भइन् । 

null

यसअघि टस जितेर पहिले ब्याटिङ गरेको यूएईले १७.३ ओभरमा सबै विकेट गुमाएर ४१ रन मात्र जोड्न सक्यो । 

यूएईका लागि चामिनी सिनेविर्तनाले सर्वाधिक १३ रन जोडिन् भने अन्यले दोहोरो अंक जोड्न सकेनन् । 

नेरी थापाले नेपालका लागि ४ विकेट लिइन् । नेरीले ३.३ ओभर बलिङ गर्दै १ ओभर मेडन राखेर ६ रनमात्रै खर्चिन्। यस्तै सिता रानामगर, कबिता कुँवर र सोनु खड्काले नेपालका लागि २–२ विकेट लिए ।