न्युकासललाई हराउँदै टोटेनहम दोस्रो स्थानमा उक्लियो
![](https://www.makalukhabar.com/wp-content/uploads/2023/10/Final-icon-Logo-2023.png)
२०७५ माघ २० गते
![](https://www.makalukhabar.com/wp-content/uploads/2021/01/nophoto.png)
एजेन्सी । इन्ग्लिश प्रिमियर लिग फुटबलमा टोटेनहमले साँघुरो जित निकालेको छ । शनिबार भएको खेलमा टोटेनहमले न्युकासल युनाइटेडलाई १-० गोल अन्तरले पराजित गरेको हो ।
घरेलु मैदानमा टोटेनहमलाई जित दिलाउन सन ह्युङ मिनले निर्णायक गोल गरे । पहिलो हाफ गोलरहित बराबरीमा सकिएको खेलको ८३ औं मिनेटमा सनले निर्णायक गोल गरेका थिए ।
जितसंगै टोटेनहम लिगको दोस्रो स्थानमा उक्लिएको छ । टोटेनहमले २५ खेलबाट ५७ अंक जोडेको छ । टोटेनहमले म्यानचेस्टर सिटीलाई १ अंकले पछि पार्दै दोस्रो स्थान हासिल गरेको हो । एक खेल कम खेलेको सिटीको ५६ अंक छ ।
null
जितपछि टोटेनहमले शीर्ष स्थानको लिभरपुलसंगको अंक दुरी समेत ४ अंकमा झारेको छ । एक खेल कम खेलेको लिभरपुलको ६१ अंक छ । १४ औं स्थानको न्युकासलको २४ अंक छ ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०७५ माघ २० गते
प्रतिक्रिया
सम्बन्धित