पूर्व गभर्नर तिलक रावलसहित तीन जनाविरुद्ध भ्रष्टाचार मुद्दा, ९१ लाख बिगो दाबी

 

पुस ५, काठमाडौँ । अख्तियार दुरुपयोग अनुसन्धान आयोगले पूर्व गभर्नर डा. तिलक रावलसहित तीन जनाविरुद्ध भ्रष्टाचार मुद्दा दायर गरेको छ । 

बिहीबार अख्तियारले विशेष अदालतमा पूर्व गभर्नर रावल, तत्कालीन नोट विभाग प्रमुख उपेन्द्र केसरी पौड्याल र स्थानीय प्रतिनिधि हिमालय बहादुर पाँडेविरुद्ध भ्रष्टाचार मुद्दा दायर गरेको हो । 

null

पाँच वर्षसम्म नेपाल राष्ट्र बैंकको गभर्नर बनेका रावलमाथि अख्तियारले ९१ लाख बढी बिगो दाबी गरेको छ । गर्भनर बनेका रावलको पाँच वर्षे अवधिमा राष्‍ट्र बैंकबाट अष्ट्रेलियामा १० को ५ करोड थान पोलिमर नोट छपाइमा भ्रष्टाचार गरेको अभियोग उनीमाथि छ । 

अख्तियारले तीनै जनाविरुद्ध जनही ९१ लाख नौ हजार ८ सय ८९ रुपैयाँ ५८ पैसा बिगो माग दाबी गरेकाे अख्तियारका प्रवक्ता रामेश्वर दंगालले जानकारी दिए । 

अख्तियारले रावलसहित तत्कालिन नोट विभाग प्रमुख उपेन्द्र र मे फ्लावर लिमिटेडका स्थानीय प्रतिनिधि हिमालयविरुद्व अष्ट्रेलियाको स्थानीय एजेन्टमार्फत् आर्थिक लेनदेन गरेको, गुणस्तरहीन नोट छपाई भएको, नोट प्रिन्टिङ अष्ट्रेलियासँग गैर कानुनी मिलेमतो गरी उक्त स्थानीय एजेन्टमार्फत् आर्थिक लेनदेन गरेको, उजुरीमाथि अनुसन्धान गरेर मुद्दा दायर गरेको हो । 

बोलपत्र पूर्व नै नोटको डिजाईन गर्न लगाउने, बोलपत्रका क्रममा स्थानीय प्रतिनिधिको प्रभावमा राजश्व छल्ने नियतले कमिशन उल्लेख नगर्ने, लगायतका कार्यहरु गरि नेपाल राष्ट्र बैंकलाई नोक्सानी पुर्याएर आफूलाई फाइदा हुने काम गरेको पुष्टि भएको अख्तियारले जनाएको छ । 

 

प्रतिक्रिया

Leave a Reply

Your email address will not be published. Required fields are marked *